Vascograf Arrigorriagan (Bizkaian) dagoen inprimategia da, arte grafikoetan 40 urte baino gehiagoko esperientzia duena. Profesional-talde bikaina osatu dugu, eta haren lanari esker, erreferente gara Bizkaiko arte grafikoen sektorean.
Vascograf-en inprimatzea maite dugu, eta harro esan dezakegu kalitate handiko zerbitzu sorta zabala eskaintzen dugula, bezeroen inprimatze-behar guztiak asebeteko dituena.
Gure lehentasuna bezeroaren asebetetzea da, eta horregatik haren beharrak ulertzen saiatzen gara eta konponbide pertsonalizatuak eskaintzen ditugu; arreta indibidualizatuarekin eta adituen aholkularitzarekin prozesuaren fase guztietan.
Teknologiarik onena erabiltzen dugu
Gure inprimategian abangoardiako teknologia erabiltzen dugu. Horri esker, azken belaunaldiko offset eta digital-inprimatze lanak eskaintzen ditugu. Tirada txikietatik eskala handiko proiektuetara, prest gaude aurkezten zaigun edozein erronkari aurre egiteko. Makineria eta materialik onenak erabiltzen ditugu inprimatze bakoitzean aparteko emaitzak bermatzeko.
Inprimatze-zerbitzuez gain, koadernatze-zerbitzuak ere eskaintzen ditugu, zure proiektuei azken akabera ezinhobea emateko.
Akabera dotoreak eta koadernatze iraunkorra. Gure adituen esperientziak zure argitalpenean nahi duzun emaitza lortzea ziurtatuko du.
Vascografen ere zehaztasun handiko CTP xaflak filmatzeko teknologia erabiltzen dugu. Teknologia honek inprimatze-prozesua optimizatu eta aparteko kalitatea bermatzea ahalbidetzen digu.
Konfiantza izan gugan zure inprimatze-behar guztietarako. Nabarmentzen laguntzeko eta zure ideiak biziarazten laguntzeko gaude hemen. Jar zaitez gurekin harremanetan eta jakin ezazu zergatik garen Bizkaian hainbeste bezeroren inprimategi gogokoenetako bat.
Vascografen badakigu packaging-a zure produktua merkatuan nabarmentzeko funtsezko tresna bat dela. Bilgarrien diseinuan eta produkzioan adituak gara, eta gure lan-taldea prest dago zure markaren nortasuna islatzen duten produktuak sortzeko. Kaxak, bilgarriak, etiketak, poltsak edo behar duzun beste edozein paketatze mota, neurrira egindako packaging ezberdinak eskeintzen ditugu.
Vascografen badakigu inprimaki korporatiboek garrantzi handia dutela zure enpresaren irudi sendo eta koherentea transmititzeko.
Gure produkzio-taldea prest dago zure markaren nortasuna islatzen duten eta gainerako enpresen gainetik nabarmentzen zaituzten produktuak sortzen laguntzeko. Izan konfiantza gugan, zure enpresak behar dituen inprimaki korporatibo guztiak emaitza bikainekin ekoizteko.
Mota guztietako proiektuetarako inprimatze-zerbitzuak eskaintzen ditugu: liburuak, aldizkariak eta newsletterrak, eskuliburuak, urtekariak edo enpresa-memoriak. Ikastetxeetarako produktuak inprimatzeko aukera ere eskaintzen dugu, bai ikasgelarako, bai komunikaziorako: apunteak, karpetak, koadernoak, kartelak, orlak, etab.
Doktore tesi bat edo gradu amaierako lan bat egiten ari bazara eta aurkezpenerako inprimatze profesional bat nahi baduzu, Vascografen ale bakar batetik hasita inprimatzen ditugu lan horiek, inprimatze digitaleko teknologiari esker.
Informazio-liburuxketatik produktuen katalogoetara, offset eta digital inprimatze-teknologiek zure publizitate-inprimakiak zirraragarri eta profesionalak izatea bermatzen du. Nabarmendu zure produktuak eta zerbitzuak kolore deigarriekin eta aurkezpen erakargarri batekin.
Flyerrak ezin hobeak dira zure produktuak, zerbitzuak edo ekitaldiak azkar eta eraginkortasunez sustatzeko. Kolore guztietako inprimatze-aukerekin eta diseinu pertsonalizatuekin, zure flyerrak nabarmendu eta bezeroen arreta erakarriko dute.
Offset eta digital inprimatze teknologia ezin hobea da kartel eta poster deigarriak sortzeko. Publizitate-iragarkiak, ekitaldien sustapena, edo artelanen erreprodukziak, kolore bizi eta bereizmen handiko xehetasunekin inprima ditzakegu zure diseinuak.
Aurkezpen-txartelak funtsezkoak dira kontaktu profesionalak ezartzeko. Offset eta digital inprimatze zerbitzuak kalitate handiko txartelak bermatzen ditu, zure negozioa modu ezin hobean ordezkatuko duten diseinu pertsonalizatuekin.
Zure beharretara eta estilora egokitzen diren egutegi aukera zabala eskaintzen dugu: mahai gaineko egutegiak (idulkidunak edo triangelu-formakoak), hormako egutegiak poster edo grapatu formatuan, edo poltsikoko egutegi klasikoak, trinkoak eta praktikoak, zurekin leku guztietara eramateko.
Aurkezpena funtsezkoa da ostalaritzaren sektorean. Horregatik, hainbat produktu inprimatu eskaintzen ditugu, hala nola kartak eta menuak, etxez etxeko zerbitzurako liburuxkak, edalontzi-azpikoak edo erabilera bakarreko paperezko mahai-zapiak, bereziki zure tabernaren edo jatetxearen beharrak asetzeko diseinatuak.
Begiratu gure lan-zorroa eta guk ekoiztutako proiektuen kalitatea egiaztatuko duzu.
